PANG TEU 棚 頭
- 1 -
ngin sèn riù tsien chin² vùi fùng 人生有錢逞威風
sàm liòng s² gi m tùng 三兩事佢毋動
shìt baú han han tzeu² sì dùng 食飽閒閒走西東
tzeu² dŏ gài lu² teu 走到街路頭
kŏn ngin da² tsai² tsa 看人打採茶
gong² pŏng fùng 講膨風
dron² dŏ tai² lu² bièn 轉到大路邊
kŏn găi bù ngiong da² lo² gùng 看介餔娘打老公
rìt sa sà gĭ tzùng 一儕抓髻鬃
rìt sa sà ròng gùng 一儕抓公
rìt sa so² giang² gìn 一儕鎖頸筋
rìt sa tzìt gi găi heu len kùng 一儕揤佢介喉嚨空
rìt sa dem² hiùng tsien 一儕踹胸前
rìt sa chui pi² kùng 一儕搥鼻孔
lióng sa m siòng ngiŏng 兩儕毋相讓
gi chui gi ra² chui 佢搥佢也搥
gi drùng gi ra² drùng 佢舂佢也舂
sàm fùt sĭ fùt 三拂四拂
teu na fùt drak kùng 頭顱拂隻孔
ngai tsiu² tzeu² tsien hĭ 我就走前去
mŭn gi rìn vui² màk găi s² 問佢因為麼介事
nam ngin àt dŏ gàp gap chat 男人閼到唊唊掣
ng² ngin àt dŏ gìt git drùn 女人閼到激激顫
gong² dó kiu² ngien liuk ngièt dùng 講著舊年六月冬
siòng tzàng rìt drak găi 相爭一隻介
lan² fo² tsùng 爛火窗
ngai mŭn gi 我問佢
ngiong² voi² ăn m tùng 仰會恁毋通
hièt er mĕ chùt tet gùi von² gùng 血仔乜出忒歸碗公
sàt sat tŭ gi hĭ go ròk er 煞煞渡佢去膏藥仔
mo loi gi tsiu² voi² giĕn ngiam giùn 沒來佢就會見閻君
giĕn ngiam giùn 見閻君
- 2 -
kie² shìt gò loi kie² shìt gò 乞食歌來乞食歌
kie² shìt ngien rìn s² gŭ dò 乞食原因事故多
kie² shìt shìt tsái tsin² nàn shì 乞食實在盡懶屍
m hĕ shoi² muk tsiu² hĕ kì 毋係睡目就係企
kie² shìt chùt mun hĭ 乞食出門去
rìt tzòng gŏ rìt tzòng 一庒過一庒
rìt vò gŏ rìt vò 一窩過一窩
kie² shìt bùn riù rìt deu² mí 乞食分有一斗米
gi voi² da² tsai² tsa 佢會打採茶
chŏng sàn gò 唱山歌
kie² shìt mo se² shìn 乞食沒洗身
pi² dó shìt tsái tsiu² riù 鼻到實在就有
han chiŭ sò 還臭騷
tsiu² han chiŭ sò 就還臭騷
- 3 -
hai long a² hai long 孩郎阿孩郎
shong² vuk a² gò mo gièn fong 上屋阿哥沒間房
ra² mo min tsong 也沒眠床
siong² ŏi hòk ngin to² bù ngiong 想愛學人討餔娘
lióng drak giok er riu² ŏi chong 兩隻脚仔又愛長
rìt sùng shiú er gong a² gong 一雙手仔晃啊晃
rìt gong gong dŏ hà vuk tai² bì tong 一晃晃到下屋大埤塘
tzùk tiau lì er bat chàk chong 捉條鯉魚八尺長
mai² găi tsien nà hĭ mài vù tong 賣介錢拿去買烏塘
rìt gòk ngiun du² mo diong 一角銀都沒剩
vù tong mo ho² dròng 烏糖沒好張
fŭ toi² hó nà loi dròng 褲袋好 拿來張
mo siong² băn lu² să lau tòng 沒想半路續流湯
go dŏ rìt shìn gàm sàm bòng 膏到一身干衫幫
kŏn dó shìt tsái han long dòng loi 看著實在還郎當來
han long dòng 還郎當 |